Saturday, April 29, 2006

تحيا الي مالك والشرقاوي


اللي يشوف موقع منال وعلاء يقول صحاب بشجعوا بعض لكن الحقيقة ان مالك كان طول فترة الاعتصام كلة امل في عمل شي لمصر كان عاوز يغير كان عاوز يشوف مصر احسن وكان بيشتغل مش ذي المهندس اللي عمل مدونة النهاردة وعاوز يصلح مصر من جوة بيتهم فيكل المحبيطين ياتشتغلوا او سيبوا كل واحد يشتغل بالطريقة التريحة مش بعد القبض علي 50 واحد يقولوا مبيعملوش حاجة علي فكرة مالك انسان طيب حنون ممكن نقول رومانسي بس اكيد بيحب مصر اكتر مننا كلنا

5 Comments:

At 10:27 AM, Blogger مهندس مصري said...

انا ياعم عايزك ترد عليا وتقول لي اي الصح يادكر قولي نعمل ايه وهيجيب نتيجة ازاي ولا هو واحد عنده السل يروح يقول للاسد انا هاطلع عين امك ياعم ابوس .............. بطل فنجرة وقول لي نعمل ايه وبطل تتاجر باسماء اللي اتخدوا بقي حرام عليك

 
At 11:22 AM, Blogger CAESAr-DIABLo said...

معلش با أفغاني .. نقض للاهبل دا ..باين عليه لسه متخرج وفرحان بنفسه .. سيبه يهذي

 
At 11:25 AM, Blogger EGmedicine said...

بصراحة باحب قوى اللى لما حد ينتقدهم يقوموا يردوا بالاسلوب بتاع الباشمهندز ده
ربنا يحميك مدافعا عن كل السلبيين و الاتكاليين و مستخدمى الالفاظ الرائعة

 
At 10:03 AM, Blogger شايفنكم said...

ما قاله قضاة مصر الشرفاء لشايفنكم يوم لجنة الصلاحيه


هشام بسطويسي....قال"الشعب عنده وعي كفايه وفاهم كويس ايه اللي بيحصل و فاهم ان قضية استقلال القضاء و نزاهته تهم كل مواطن.....القضيه مش قضيه قاضيين بيتحاكموا !!"

و قال ايضاً" حشود الامن...جيا تحمي النظام من الشعب"

و قال لنا الخضيري عن حشود الامن الكبيره" الحشد الامني يدل على على ان الدوله لا تفكر بالمنطق المطلوب...و ده لأنها للأسف بتفكر بعضلاتها"

و اضاف" المسأله مش خاصه بالقضاه دي قضية الشعب المصري كله"

و بعد ان تم الاعتداء على محمود حمزه كان لنا معه حوار كامل في مستشفى كليوباترا و هذا اهم ما ورد فيه

قال محمود حمزه لشايفنكم مستنكراً ما تعرض له من اهانات و ضرب" القضاء ده ايه؟ ايه رمزه؟ ..العدل طبعا..و لما يهان العدل بالطريقه دي...مش دي رساله للشعب..رساله بتقول: مش هما دول اللي بتقولوا ان هما صوتكوا" شما اشار الى وجهه المصاب و قال " اهو بالجزمه ...بالجزمه"

قال لنا ايضا محمود حمزه وهو يغالب دموعه.. " انا لما دخلت المستشفى في الطواريء...انكسرت اوي و صعبت نفسي عليا جداً..ولكن بعد ان جاءني تليفون من مواطنه تؤيدني و دعت لي لم اعد اشعر باي الم في جسدي"

و عندما اكد حمزه ان مصر في حاجه لكل شخص و كل وسيله اعلام من اجل تدعيم حركة القضاء سالناه هل اتى لك اي تليفزيون حكومي منذ اصابتك فضحك بمراراه و قال"لم يأتي اي تليفزيون حكومي بل بالعكس دا انا لما شفت التليفزيون المصري لقيت نفسي متهم"
و اضاف"و لما و صفوا اللي قام بالاعتداء ....كان ناقص يقولوا عليه مختل عقلياًًً!!!!!!!!"
و عندما سألناه عن مدى ايمانه باستقلال القضاء...قال" اكيد هيستقل القضاء الرئيس وعد بكده...هل يجوز ان رئيس الجمهوريه وهو اعلى الهيئات القضائيه يوعد ما يوفيش؟؟...مش معقول..انا مش متخيل انه مويفويش بوعده!!!"

و في نهاية حديثه وجه كلامه لرئيس مبارك قائلاً:" قانون السلطه القضائيه مش هيأثر على اي سلطه اخرى..
ارجوك ..ارجوك...انهى الازمه...لن ينهيا غيرك!!!"

 
At 1:14 AM, Blogger Misry Free said...

برافو عليكم غيرتو البلد فعلا

 

Post a Comment

<< Home